Haqqımızda

"Öz qayğınıza qalın, o zaman gözəlləşəcəksiniz"

Doktor Zərifə Həmzəyeva, alim, Gazelli Group şirkətinin təsisçisi və prezidenti.

“

Bu gün Gazelli Group:

Bir neçə beynəlxalq mükafata layiq görülmüş yüksəktexnologiyalı müəssisədir. O, Bakı ətrafında yerləşir və 12.000 m2 sahəni əhatə edir. Beynəlxalq standartlara uyğun olaraq sertifikatlaşdırılmış və bir iş növbəsində 100 tona qədər məhsul istehsal etmək potensialına malik müəssisədir.

Qabaqcıl tədqiqat mərkəzi və laboratoriya

"Qapıdan qapıya" prinsipi əsasında fəaliyyət göstərən, özündə anbar sahələri, tərəfdaşlar və yükdaşıyanlarla uzunmüddətli etibarlı münasibətləri ehtiva edən fasiləsiz logistikadır.

Dəriyə qulluq, mehmanxana biznesi və sağlamlıq sahəsində daimi müştərilər üçün öz brendi altında məhsulların hazırlanmasını və istehsalını həyata keçirən müəssisədir.

Beş brenddən ibarət portfel: Gazelli Skincare, Aroma Collection, Buta, Gazelli Expert və Entera

Gözəllik və sağlamlıq mərkəzi: Bakıda Gazelli House.

Gazelli Art House — Londonda və Bakıda dünyaşöhrətli müasir incəsənət qalereyası

Gazelli House haqqında

2003-cü ildə əsası qoyulmuş gözəllik, fiziki və mənəvi sağlamlıq mərkəzi "Gazelli House" Bakının tam mərkəzində yerləşir. Divarlarına tarix və inanılmaz atmosfer hopmuş qədim dördmərtəbəli bina, hər qonağın burda özü üçün xüsusi bir şey tapmağı ilə yanaşı, özündə də "xüsusi" bir şey kəşf edəcəyi ayrı bir dünyanı ehtiva edir.

«Ruhun və bədənin harmoniyası, mənəvi
və fiziki kamilliyin vəhdəti».

Gözəllik, fiziki və mənəvi sağlamlıq mərkəzi, kosmetoloji prosedurlar, dadlı yeməkləri olan kafe, diqqətlə seçilmiş kosmetik məhsullar təklif edən mağaza, dünyanın müxtəlif yerlərindən gətirilmiş fərqli suvenirlər olan guşə, gözəllik salonları, kitabxana, sənət qalereyası, elmi-tədqiqat laboratoriyası — bütün bunları özündə ehtiva edən Gazelli House ruhun, bədənin və zehnin harmoniyasının təcəssümüdür.

Zərifə Həmzəyeva genetika və tibbi profilaktika üzrə elmlər doktoru, Gazelli Group şirkətinin təsisçisi və prezidentidir. Tibb Universitetini bitirdikdən və 15 ildən çox Azərbaycan Dövlət Həkimləri Təkmilləşdirmə İnstitutunda kafedranın dosenti işlədikdən sonra Zərifə Həmzəyeva Moskvada elmi-tədqiqat işini müvəffəqiyyətlə müdafiə etmişdir. Müvəffəqiyyətli müdafiədən sonra Zərifə Həmzəyeva ölkədə analoqu olmayan xüsusi bir şey yaratmaq ideyası ilə ilhamlanmışdır. Beləliklə, bir müddət özünü ailəsinə və qızlarına həsr etdikdən sonra onun ideyası öz təcəssümünə qovuşdu və uğurlu bir layihə kimi həyata keçirildi — doktor Həmzəyeva öz məhsullarını istehsal etmək qərarına gəldi. Bu, Azərbaycanda ilk kosmetika istehsalı idi. Beləcə Gazelli Group-un əsası qoyuldu.

Hər şey cəmi 17 nəfərin — 17 entuziastın işlədiyi kiçik bir sexdən başlayıb. Sıfırdan başladıq, lakin hər şeyi tez öyrənirdik, mütəxəssislər dəvət edərək onlardan təlim alırdıq. İndi isə dünyanın hər yerindən mütəxəssislər bizə müraciət edir və bizdən öyrənir — bu bizi sevindirməyə bilməz. Bunlar uzaq 1999-cu ildə baş verib... 2019-cu ildə isə Gazelli Group öz 20-ci ilini qeyd etdi." — Zərifə Həmzəyeva, genetika və tibbi profilaktika üzrə tibb elmləri doktoru, Gazelli Group şirkətinin təsisçisi və prezidenti

“

«Gazelli House enerji, ən parlaq və möcüzəli şeylərin mənbəyidir. Bu, qonaqların sadəcə masaja və digər prosedurlara gələ biləcəkləri sağlamlıq və gözəllik mərkəzi deyil, eləcə də müsbət enerji ilə dola, atmosferini canlarına çəkə və yeniliklər öyrənə biləcəkləri məkandır. Və ən əsası — özləri ilə yaxından tanış ola, özlərini tanıya biləcəkləri yerdir." — Cəmilə Əsgərova, Gazelli Group şirkətinin vitse-prezidenti, SOROKA Concept Store-un təsisçisi.

“

Cəmilə Əsgərova 2004-cü ildə ailə biznesinə qoşularaq həm Bakı, həm Böyük Britaniyanın paytaxtı Londonda yerləşən Gazelli House-a rəhbərlik edərək şirkətin vitse-prezidenti oldu.

Gazelli Group şirkətinin vitse-prezidenti Mila Əsgərova 2011-ci ildən Gazelli Art House rəsm qalereyasının təsisçisidir.

"Gazelli House sağlam həyat tərzini — özünün ən yaxşı versiyası olmaq və ətrafındakıların mükəmməl olmağa çalışmaqlarını dəstəkləmək ideyasını təşviq edir" — Mila Əsgərova, Gazelli Group şirkətinin vitse-prezidenti, Gazelli Art House-un təsisçisi.

“

© 2023 All Right Reserved. Gazelli